Eskiás 8A

Laus til leigu, ný og glæsileg fimm herbergja íbúð!

Velkomin inn í nýtt og vandað 102,3 fm heimili að Eskiás 8A, Garðabæ. Íbúðin er með sérinngangi, gengið er inn á annarri hæð utanhúss og innan íbúðar upp á þriðju hæð. Eskiás er í vel staðsettu hverfi og stutt er í alla helstu þjónustu, leik,- og grunnskóla, íþrótta og útivistarsvæði. Staðsetningin er einnig örstutt frá megin ökuleiðum.

Nánari lýsing

Gengið er inn í íbúðina í rúmgóða forstofu með fataskáp, gengið er úr forstofu upp teppalagðan stiga upp á þriðju hæð. Komið er upp í opið og skemmtilegt rými þar sem eldhús og stofa mynda sameignilegt alrými. Aukin lofthæð er í íbúðinni og gengið er út á svalir úr stofu sem snúa inn í sameiginlegan inngarð hússins. Eldhúsið er með miklu skápaplássi og fallegri eyju upp við vegg. Fyrir ofan eldhúsinnréttingu er skemmtilegur gluggi sem hleypir aukinni birtu inn í eignina.

Fjögur svefnherbergi eru í íbúðinni, öll með fataskápum. Baðherbergi er rúmgott með sturtu, upphengdu salerni og tengi fyrir þvottavél og þurrkara.

Gardínur, ísskápur og frystihólf fylgir eigninni.

Í sameign er hjóla,- og vagnageymsla. Öll bílastæði við Eskiás eru sameiginleg og rafbílahleðslukerfi verður sett upp.

Djúpgámar eru staðsettir við húsin og gert er ráð fyrir fjórflokkun úrgangs. Allar íbúðir eru með aðgengi að inngarðinum þar sem skjólsælt er og einnig eru leiktæki þar fyrir börnin.

Hlekkur á 3D:

Leiguverð og kostnaður

Leiguverð er 430.000 kr á mánuði og er tengt vísitölu.

Innifalið í leiguverði er hiti ásamt rekstri á sameign.

Leigutaki greiðir fyrir rafmagnsnotkun samkvæmt mæli.

Skilyrði fyrir leigu

Leggja þarf inn umsókn með lánshæfismati og sakarvottorði.

Trygging eða ábyrgð sem nemur þriggja mánaða leigu.

Hægt er að vera með tryggingu lagða inná reikning, bankaábyrgð frá þínum viðskiptabanka eða Leiguskjól.